म तिनीहरूलाई र मेरो डाँड़ाको चारैतिरका ठाउँहरूलाई आशिष् दिनेछु। म ठीक ऋतुमा तिनीहरूका निम्ति झरी बर्साइदिनेछु। त्यहाँ आशिषका झरीहरू हुनेछन्।
इजकिएल ३४:२६

युवायुवतीहरूलाई उहाँको सहयोगी हात हुन परमेश्वरले खटाउनुभएको छ। आफ्नो यहूदा घरमा हुर्केका दानिएल जस्तै बाइबल अध्ययन गर्ने र उहाँका कामहरू गर्न चाहने आजका धेरै युवायुवतीहरू विश्वासिलो सेवाकार्यको निम्ति यस्ता पाठहरू सिकिरहेकाछन् वा तालिम लिइरहेकाछन् कि तिनीहरूमा धेरै सांसद हुनेछन्, न्यायको आशनमा बस्नेछन् अर्थात् वकिल र न्यायधिसहरू हुनेछन्, राजाको दरवारमा काम गर्नेछन् र ठूलो ठूलो ओहोदामा रहेर राजाहरूको राजाको निम्ति साक्षीहरू हुनेछन्।

उचित तवरले तालिम पाएका युवायुवतीहरूको फौजले क्रूसमा टाँगिनुभएको, पुनरुत्थान हुनुभएको र छिटै आगमन हुनुहुने मुक्तिदाताको सन्देश सारा संसारमामा फैलाउन सकिने ठूलो संभावना छ! सुसमाचारको महान् काम सुरुमा भएको जागरण जस्तै भएर बन्द हुनेछ। बसन्त ऋतुमा वर्षिने वर्षा वा पवित्र आत्माको ताजा वर्षा सुसमाचार प्रचारको सुरुमा वर्षिएको थियो, त्यही खालको पछिल्लो पवित्र आत्माको वर्षा युगको अन्तमा पनि फेरि वर्षिनेछ।

परमेश्वरका सेवकहरू तिनीहरूको अनुहार तेजिलो पार्दै र पवित्र समर्पणमा चम्किन्दै तिनीहरू छिटोछोटो एक ठाउँबाट अर्को ठाउँमा स्वर्गबाट आएको सन्देशको घोषणा गर्नेछन्। सारा संसारभरि हजारौँ आवाजहरूले चेतावनीको सन्देश तिनीहरूले दिनेछन्। अनेकौँ आश्चर्य कामहरू हुनेछन्, बिमारीहरू निको हुनेछन्, र विश्वासीहरूको बीचमा अनेकौँ अचम्मका चमत्कारीय कामहरू हुनेछन्। सैतानले पनि मानिसहरूलाई अलमलमा पार्ने नकल तथा झुठो चमत्कारहरू गर्नेछ। अझ उसले त मानिसहरूकै अगाडि आकाशबाट आगो वर्षाउनेछ। तर त्यसबेला यस पृथ्वीका मानिसहरू कसको पक्षमा उभिने भनेर निर्णय गर्नुपर्ने हुन्छ।

बादविवाद, तर्क वितर्क गरेर परमेश्वरको सन्देश फिजिने छैन तर पवित्र आत्माको आवाजलाई मानेर भित्री हृदयदेखि नै उहाँलाई विश्वास गर्न थाल्नेछन्। आत्मज्ञानको ज्योति जताततै छिर्नेछ, सत्यलाई स्पष्टरूपमा देखिनेछ, र परमेश्वरका इमान्दार र बफादार भक्तहरू तिनीहरूलाई सिकाइएको शिक्षामा एक भएर खडा हुनेछन्।

यदि परमेश्वरका जनहरू स्वर्गसँग गर र एक आपसमा तालमेल गरेर र मिलेर काम गऱ्याे भने उहाँका जनहरूको निम्ति परमेश्वरले काम दिनुभएको छ। यदि येशूका सबै विश्वासीहरू एकताको सूत्रमा बाँडियो भने परमेश्वरले उहाँका प्रथम चेलाहरूलाई पेन्तिकोष्टमा देखाउनुभएको शक्ति जस्तै तिनीहरूलाई पनि देखाउनुहुनेछ।

३२७